International Mathematics Competition ( IMC ) буюу Бага Дунд Ангийн Олон Улсын Математикийн Олимпиадын тухай
IMC олимпиад нь бага дунд ангийн сурагчдын дунд явагддаг хамгийн олон орон оролцдог олимпиад юм. Энэхүү олимпиад нь 2012 оноос эхлэн тасралтгүй явагдсан ба өнгөрсөн жил Болгар улсад болоход 34 орон оролцсон. Энэ жил InIMC-2024 (India International Mathematics Competition) олимпиад буюу Бага Дунд Ангийн Олон Улсын Математикийн олимпиад 2024 оны 7 сарын 26-31-ний өдрүүдэд Энэтхэг улсын Лакноу хотод болно.
Олимпиад нь бага (4-өөс 6 дугаар анги), дунд (7-гоос 9 дүгээр анги) ангийн сурагчдын дунд болох бөгөөд Монгол Улсаас ангилал тус бүрд 4 хүүхэд 2 багштай 2 баг оролцоно.